Qar İsmayıllı-Lahıc yolunu iflic etdi | Küçələrdə son durum

Ötən gecədən ölkə ərazisində yağmağa başlayan güclü qar İsmayıllı rayonunda bir sıra çətinliklər yaradıb.

Yağan güclü qar nəticəsində İsmayıllı-Lahıc yolu bağlanıb və bunun nəticəsində həmin əraziyə insanların və avtomobillərin gediş-gəlişi məhdudlaşdırılıb.

Bundan başqa, səhər saatlarından Lahıcda və yaxın kənd məktəblərində işləyən müəllimlər yolun bağlanması səbəbindən həmin ərazidə olan təhsil ocaqlarına gedə bilməyiblər.

Hazırda yolun açılması istiqamətində İsmayıllı Rayon 5 nömrəli Yol-istismar İdarəsinin canlı qüvvəsi və texnikası əraziyə cəlb olunub.