Mal əti adı ilə camaata bunu yediriblər | Bakıda təhlükə saçan müəssisə ifşa olundu
Buzovna qəsəbəsində fəaliyyət göstərən dönər və toyuq əti emalı müəssisəsində nöqsanlar aşkarlanıb.
Qida Təhlükəsizliyi Agentliyindən verilən xəbərə görə, çiy dönər və toyuq əti emalı müəssisəsində keçirilmiş yoxlama zamanı sanitar-texniki tələblərin pozulduğu, ət məhsullarının saxlanma şəraitinə əməl olunmadığı müəyyənləşib.
Bununla yanaşı, mənşəyi məlum olmayan 6159 kiloqram dondurulmuş toyuq əti və istifadə müddəti bitmiş 72 kiloqram toyuq filesi, 360 kiloqram toyuğun bud hissələri aşkarlanıb.
“Yoxlama zamanı çiy mal əti və toyuq əti dönərindən, çiy toyuq hissələrindən götürülmüş nümunələrin laborator müayinəsi nəticəsində çiy mal əti dönərində at və toyuq DNT-si, çiy toyuq əti dönərində isə salmonella müəyyən edilib. İstehlaka yararsız məhsullar dövriyyədən çıxarılıb, müəssisənin fəaliyyəti məhdudlaşdırılıb və sahibkar barəsində inzibati protokol tərtib edilib”, – deyə məlumatda bildirilib.
#Buzovna qəsəbəsi teqi istifadə olunub
- Buzovnada yol problemi niyə həllini tapmır?
- Hər yerə müraciət etmişik, amma... | Ölümlə üz-üzə qalan sakinlərin acınacaqlı vəziyyəti
- DİN-dən yeniyetmələrlə bağlı açıqlama | Saxlanılan var
- İki ailə arasında mübahisə cinayətlə bitdi | Buzovnadakı qətlin təfərrüatı
- FHN Buzovnada batan şəxslər barədə görüntülər yaydı
