Milli Məclisdə boşalan deputat yerlərinin sayı niyə artdı?
Millət vəkili Ramin Məmmədovun Dini Qurumlarla İş üzrə Dövlət Komitəsinin sədri təyin edilməsi ilə Milli Məclisdə boş qalan deputat yerlərinin sayı 10-a çatıb.
Konstitusiyanın 89-cu maddəsinin 4-cü hissəsinə əsasən, Milli Məclisin deputatı dövlət orqanlarında vəzifə tutduqda mandatından məhrum edilir. Ramin Məmmədov 64 saylı Sabirabad ikinci seçki dairəsinin deputatıdır. Onun yeni təyinatı ilə bağlı Mərkəzi Seçki Komissiyası qanunvericiliyə uyğun olaraq Ramin Məmmədovun deputat səlahiyyətlərinə xitam verilməsi barədə qərar qəbul edəcək.
Xatırladaq ki, 3 il öncə Milli Məclisin deputatı Fəttah Heydərov, 2023-cü ildə isə Madər Musayev və Qənirə Paşayeva vəfat ediblər. Mərkəzi Seçki Komissiyanın 2022-ci il martın 17-də keçirilən iclasında isə Şahin Seyidzadənin “İçərişəhər” Dövlət Tarix-Memarlıq Qoruğu İdarəsinin İdarə Heyətinin sədri təyin edilməsi ilə əlaqədar onun deputat mandatına xitam verilib. Bundan başqa, Sumqayıt Ağır Cinayətlər Məhkəməsinin hökmünə əsasən, deputat Eldəniz Səlimov 3 il 6 ay müddətinə azadlıqdan məhrum olunub. Beləliklə, Eldəniz Səlimovun da Milli Məclisin deputatı mandatına xitam verilib.
#Milli Məclis teqi istifadə olunub
- Müharibə dövründə Azərbaycana məğlubiyyət arzulayanlar
- Milli Məclisin payız sessiyası üzrə növbəti plenar iclası keçirilir - Baku TV
- Parlament ad günü ilə bağlı Prezidentə məktub ünvanladı - Baku TV
- Son 22 ildə Azərbaycan iqtisadiyyatı 4 dəfə böyüyüb
- Millət vəkili həkimlərin hərbi xidmətindən danışdı
