Ölümlə üz-üzə qalan fəhlələr

Paytaxtın Gəncə prospektində inşa edilən binada fəhlələrin fərdi mühafizə vasitələri olmadan, ölümün bir addımlığında işləmələri ilə bağlı görüntülər müzakirəyə səbəb olub.

Baku TV-nin çəkiliş qrupu məsələni araşdırmaq üçün əraziyə gedib. Tikinti şirkətinin mühafizəçisi sözügedən məsələ ilə bağlı heç bir suala cavab verməyib.

İş icraçısı olduğu deyilən Tahir adlı şəxs isə Baku TV-yə açıqlamasında işçilərin yas yerində olduğunu desə də, məlum olub ki, əməkdaşlar işlərini davam etdirir. O, həmçinin binanın hansı MTK-ya aid olduğunu bilmədiyini deyərək sualdan yayınıb.

Nəzərə alsaq ki, tikinti təhlükə riski yüksək olan sahədir, bəs o zaman təhlükəsizlik qaydalarına niyə riayət edilmir? Fəhlələrin təhlükəsizliyi niyə təmin olunmayıb?