Orxan Məmmədov "Global Media Group"a qarşı kiberhücumdan danışdı
“İT komandamızın və dəvət olunmuş müvafiq qurumların operativ müdaxiləsi nəticəsində virusun yayılması dayandırılıb. Lakin təəssüf ki, bəzi serverlərdə məlumat itkisi yaşanıb və saytların fəaliyyəti qısa müddət də olsa, pozulub”.
Bu sözləri “Global Media Group”un idarə heyətinin üzvü Orxan Məmmədov parlamentdə Xarici müdaxilələrə və hibrid təhdidlərə qarşı müvəqqəti komissiyanın “Azərbaycanın media resurslarına kiberhücumlar” mövzusunda keçirdiyi ictimai müzakirədə çıxışı zamanı deyib.
“Həmin dövrdə serverlərdə mütəxəssislərin tövsiyə etdiyi, beynəlxalq səviyyədə tanınmış qabaqcıl müdafiə sistemləri mövcud idi. Buna baxmayaraq, hakerlər çox yüksək səviyyəli və az tanınan metodlardan istifadə edərək müdafiə səddini aşa biliblər. Bu, bir daha göstərdi ki, qarşı tərəfin hazırlıq səviyyəsi qeyri-adi dərəcədə güclü idi.
Görülən tədbirlər çərçivəsində saytların daha yaxşı qorunan data mərkəzinə köçürülməsi və server infrastrukturunun tam yenidən qurulması qərarı verilib.
Paralel olaraq beynəlxalq kibertəhlükəsizlik şirkətləri ilə daimi əməkdaşlıq başlanılıb və şəbəkə avadanlıqları yenilənib. Bu hadisə bir daha sübut etdi ki, informasiya təhlükəsizliyi, xüsusilə də media sahəsində yalnız texniki məsələ deyil, dövlət təhlükəsizliyinin vacib bir hissəsidir. Bu istiqamətdə davamlı investisiya və preventiv tədbirlər görmək zəruridir”, ‒ deyə Orxan Məmmədov qeyd edib.
#Global Media Group teqi istifadə olunub
- Gürcüstanın POS TV telekanalının nümayəndə heyəti Baku TV-nin qonağı olub
- "Global Media Group"un nümayəndə heyəti Azərbaycanın Qazaxıstandakı səfirliyində görüş keçirib
- “Baku TV” və “Report” İA Mərkəzi Asiya ölkələri ilə əməkdaşlığı genişləndirir
- "Baku TV", "Report" İA və Qazaxıstanın "Xabar" Agentliyi arasında əməkdaşlıq memorandumu imzalandı
- Baku TV, Report İnformasiya Agentliyi və Qazaxıstanın “Xabar” Agentliyi arasında əməkdaşlıq memorandumu imzalanıb
