Prodüser Təranə Səmədova neçə il həbs edildi? | Məhkəmənin qərarı

Hədə-qorxu ilə tələb etmədə təqsirləndirilən prodüser Təranə Səmədova və onun tanışı Rasim Həsənovun cinayət işi üzrə keçirilən məhkəmə prosesi başa çatıb.

Bakı Ağır Cinayətlər Məhkəməsinin hakimi Səbinə Məmmədzadənin sədrliyi ilə keçirilən prosesdə hökm elan olunub.

Hökmə əsasən, Təranə Səmədova 6 il, Rasim Həsənov isə 7 il müddətinə azadlıqdan məhrum edilib.

İstintaq zamanı müəyyən olunub ki, Təranə Səmədova qeyri-rəsmi ər-arvad münasibətində olduğu Rasim Həsənovla birgə adı açıqlanmayan vətəndaşın fotoşəkillərini əldə edərək onları zərəçəkənin ailə üzvlərinə göstərmək, yaşadığı məhəllədə yaymaq, o cümlədən “Instagram” və digər sosial şəbəkələrdə yerləşdirməklə hədələyib. Bu təhdidlərlə Təranə Səmədova və Rasim Həsənov ondan 3 min manat tələb edib. Onlar 2023 cü ilin noyabrında zərərçəkmiş şəxsdən ümumilikdə 1 100 ABŞ dolları məbləğində pulu hədə-qorxu ilə tələb edərək ələ keçiriblər.

Bundan başqa, Təranə Səmədova ilə Rasim Həsənov təkrarən zərəçəkmiş şəxsi rüsvayedici fotoşəkillərlə şantaj edərək ondan 1 000 manat pul tələb ediblər. Lakin zərərçəkən onlara 130 manat verib.

Təranə Səmədova və Rasim Həsənov barəsində Cinayət Məcəlləsinin 182.2.1-ci (hədə-qorxu ilə tələb etmə, qabaqcadan əlbir olan bir qrup şəxs tərəfindən törədildikdə) maddəsi ilə ittiham irəli sürülüb.

Məhkəmənin qərarı ilə həbs qətimkan tədbiri seçilib.