Qoy elə qadın tək qalsın... | Lalə Məmmədovadan qalmaqallı sözlər

"Sevdiyim yoxdur. Sevmək üçün insan fədakar olmalıdır. Təəssüf ki, sevgidən sonra gələn hissi yaşaya bilməmişəm. Birinci sənət qadını olmaq mane olur. Hələ boşanmış qadın. Azərbaycan cəmiyyətində boşanmış qadına intim obyekti kimi baxırlar".

Bu sözləri Əməkdar artist Lalə Məmmədova verilişlərin birində deyib.

Müğənni şəxsi həyatından, sevgidən danışıb:

"Boşanmış qadına yalnız onu xoşbəxt etməyə qadir insan yaxın durmalıdır. O qadın bir dəfə yıxılıb, parça-parça olub. Ayağa durur, özünü yapışdırır. O qadının özündən ağır mənəvi yükü var. Hələ övladı varsa... Onu xoşbəxt edəcəksənsə, yaxın durmalısan.

Qadını sevilmək duyğusu bütün plastik əməliyyatdan, kosmetikadan gözəl göstərir. Əgər bir qaşıq sevgi verib çömçə-çömçə burnundan gətirəcəksənsə, elə qadın tək qalsın. Qadın özünü xoşbəxt etməyi bacarmalıdır. Qərara gəldim ki, Azərbaycan kişisi xoşbəxt olmaq istəmir. Çünki eqosu birincidir. Mən, mən deyir".