Qüdrət Həsənquliyev tenderlərə müdaxiləyə etiraz etdi

“Tenderdə iştirak edən şirkətlərə təzyiq edirlər ki, tenderdən geri çəkilsinlər”.

Bunu Milli Məclisin bu gün keçirilən iclasında “Dövlət satınalmaları haqqında” yeni qanun layihəsinin müzakirəsi zamanı parlamentin Hüquq siyasəti və dövlət quruculuğu komitəsinin sədr müavini Qüdrət Həsənquliyev deyib.

O bildirib ki, komissiya tərəfindən hansısa şirkətə son qiymət də gizli şəkildə ötürülür və özünə yaxın şirkət tenderdə qalib edilir:

“Komissiyaya tenderə qatılan şirkətlər barədə məlumatlar verilməməlidir. Çünki komissiya üzvləri qanunsuzluqlara yol verir. Nəticədən narazı qalan şəxs isə məhkəməyə müraciət edə bilməlidir. Biz bunları edə biləcəyiksə, şəffaflığa nail ola biləcəyik”.