"Geely Starship 7" və "Geely Galaxy L6" Azərbaycanda | Güc, rahatlıq və ekoloji təmizlik bir arada

“Geely” brendinin ən son texnologiyalarla zənginləşdirilən “Galaxy” xəttinə aid iki yeni modeli ‒ “Galaxy L6” və “Starship 7” rəsmi olaraq “Efendiler Group” və “Geely Azərbaycan” tərəfindən təqdim edilib.

Tədbirdə media nümayəndələri, müştərilər və avtomobil sevərlər yeni enerji dünyasının futuristik üzü ilə tanış olublar.

“Galaxy L6” şəhər üçün ideal seçim olan “plug-in” hibrid sedandır. 1,5 litr mühərrik və elektrik sisteminin sintezi sayəsində saatda 100 kilometr sürətlənməni cəmi 6,5 saniyədə tamamlayır.

Tam doldurulmuş batareya ilə ümumi məsafə qət etmə qabiliyyəti 2000 kilometrdir. İki komplektasiyada təqdim edilən “Starship 7” modeli elektrik rejimində 80-120 kilometr məsafə qət edə bilir. Güc, rahatlıq və ekoloji təmizlik bu avtomobildə ideal şəkildə vəhdət təşkil edir. Tam şarjla maksimum 1420 kilometr məsafə qət edə bilir. Hər iki modelə 4 il və ya 100 000 kilometr rəsmi zəmanət verilir.

“Galaxy L6” modelinin satış qiyməti 38 500 AZN, “Starship 7” modelinin isə komplektasiyadan asılı olaraq 36 900 və 42 500 AZN olaraq müəyyən edilib.

Təqdimat zamanı həmçinin “Efendiler Group” tərəfindən təqdim olunacaq daxili kredit sistemi də elan olunub. Müştərilər artıq 5270 AZN-dən başlayan qiymətlərlə ilkin ödəniş edərək “Geely” modellərinə sahib ola biləcəklər.