Pleyeri seçin:
"Xəstə olanda gözləyirik ki, ölsün, basdıraq" | Əhalinin başına oyun açan yol problemi - Baku TV
Xızı rayonunun Qars kəndinin sakinləri illərdir davam edən yol problemindən şikayətçidirlər.
Onların sözlərinə görə, rayon mərkəzindən cəmi 6 kilometr uzaqlıqda yerləşən kəndə çatmaq yolun yararsız vəziyyətdə olması səbəbindən böyük çətinliyə çevrilib.
Sakinlər bildirirlər ki, xüsusilə yağışlı havalarda yol tamamilə keçilməz vəziyyətə düşür. Kəndə nə təcili yardım maşını, nə də adi minik avtomobilləri rahat daxil ola bilir.
“Xəstəmiz olanda nə edək? Heç vertolyot da gəlsə, bura enə bilməz. Gözləyirik ki, ölsün, aparıb basdıraq. 73 yaşım var, hələ burada gün görməmişəm”, – deyə kənd sakini bildirib.
Digər sakin isə qeyd edib ki, kənddə üç qəbiristanlıq olsa da, yolun vəziyyəti səbəbindən dünyasını dəyişən insanları dəfn etməyə aparmaq belə çətinləşib.
Kopyalandı
Seçilmişlər
