Qurudulmuş kolbasalara görün nə qatılır | Ət hansı halda xərçəngə səbəb olur?

Hisə verilmiş kolbasanın urolitiyaz riski barədə xəbərdarlıq edilib.

Diyetoloq və psixoloq Nuriyyə Dianova qeyd edib ki, kolbasa təmiz ət və balıqla müqayisə oluna bilməz. İstehlakçıları cəlb edən bir dadı var, lakin eyni zamanda onun duzluluğu və konsentrasiyası böyrək daşlarının əmələ gəlməsinə səbəb ola bilər.

O həmçinin bildirib ki, güclü dadı olan məhsullardan istifadə edən insanların dad reseptorları zamanla sıradan çıxır.

Həkim əlavə edib ki, qurudulmuş kolbasalara daha çox konsentrat, qan və içalat qatıldığı üçün onun zərəri daha çoxdur. Bu, epidemioloji risklərə gətirib çıxarır.

Diyetoloq və tibb elmləri namizədi Daria Rusakovanın fikrincə, kolbasa, həmçinin marinad edilmiş ət odda bişirilən ən zərərli yemək növüdür. Onun sözlərinə görə, hər hansı ət çox bişdikdə xərçəngin inkişafına səbəb ola biləcək kanserogen maddələr əmələ gəlir.