Səhiyyə komitəsinin sədri bəzi bölgələrdəki problemlərdən danışdı
“Bölgələrdə tibb məntəqələri acınacaqlı vəziyyətdədir”.
Bunu Milli Məclisin Təbii ehtiyatlar, energetika və ekologiya, Əmək və sosial siyasət, Səhiyyə, Beynəlxalq münasibətlər və parlamentlərarası əlaqələr komitələrinin birgə keçirilən iclasında gələn il üçün dövlət büdcəsi layihəsinin müzakirəsi zamanı parlamentin Səhiyyə komitəsinin sədri Əhliman Əmiraslanov deyib.
"Mən rayonlara səfər etdim və tibb məntəqələrinin vəziyyətini gördüm. Orada olan cihazlar sovetdən qalmadır, rayonlarda kadr çatışmazlığı var. İlkin tibbi yardım məsələsi gündəmə gəlməlidir.
Rayonlarda ilkin tibbi yardım pis vəziyyətdədir, bu məsələ qaldırılmalı və həllini tapmalıdır. Kadr çatışmazlığı problemini daha da dərinləşdirən məsələ 65 yaşı tamam olmuş həkimləri təqaüdə göndərməklə bağlıdır", – deyə komitə sədri vurğulayıb.
#Milli Məclis teqi istifadə olunub
- Qalmaqallı məktub: Beynəlxalq müşahidəçiləri ermənilərin məhkəməsinə cəlb etmək istəyənlər - Baku TV
- Antimilli ünsürlərin rusiyapərəst mövqeyi
- “Dövlət qurumları özünü sığortalayıb” | Deputatdan qəzalı binalarla bağlı sərt irad
- “Həkim ehtiyatı axtarırıq, amma hazır resursdan istifadə edə bilmirik”
- Ehtiyatdan hərbi xidmətə çağırılan zabitlərin dinc dövrdə xidmət müddətində dəyişiklik
