Sumqayıt məktəbində 100 min manatdan artıq mənimsəmə aşkarlanıb
Sumqayıt şəhəri 11 nömrəli tam orta məktəbin ayrı-ayrı vəzifəli şəxslərinin qanunsuz əməlləri barədə vətəndaş müraciəti əsasında Şəhər Prokurorluğunda araşdırma aparılıb.
Bu barədə Sumqayıt Şəhər Prokurorluğu məlumat yayıb.
Araşdırma zamanı təhsil müəssisəsində 2019-2022-ci illərdə ölkə hüdudlarından kənarda olduqları vaxtda müəllimlərin dərs saatları tədris etməsi və faktiki tədris edilməyən dərnək məşğələlərin keçirilməsinə dair rəsmi sənədlərə yalan məlumatların daxil edilməsi, müvafiq laboratoriyalar mövcud olmadığı halda laborant vəzifəsinə ayrı-ayrı şəxslərin işə götürüb əmək haqqı verilməsi yolu ilə dövlət büdcəsindən ayrılmış 27 860 manat vəsaitin mənimsənilməsi və israf edilməsinə əsaslı şübhələr müəyyən edilib.
Araşdırmalarla həmçinin Sumqayıt Şəhər Təhsil Şöbəsi və 1 saylı Ərazi Maliyyə Hesablaşma Mərkəzi, onun bazasında yaradılmış Abşeron-Xızı Regional Təhsil İdarəsinin ayrı-ayrı vəzifəli şəxslərinin səhlənkarlığı nəticəsində dövlət tərəfindən məktəbə verilən 103 130 manat dəyərində inventar avadanlıq və mal-materialların məktəbin vəzifəli şəxsləri tərəfindən mənimsənilməsi və israf olunmasına əsaslı şübhələr müəyyən edilib.
Faktla bağlı Sumqayıt Şəhər Prokurorluğunda Cinayət Məcəlləsinin külli miqdarda mənimsəmə, vəzifə saxtakarlığı və səhlənkarlıq maddələri ilə cinayət işi başlanılaraq istintaq aparılır.
#Sumqayıt teqi istifadə olunub
- Sumqayıt və Yevlaxda bədbəxt hadisə | Bir nəfər həyatını itirdi - Baku TV
- Sumqayıtda faciəvi hadisə | 69 yaşlı kişinin başının daşa dəydiyi bildirilir - Baku TV
- "Vətəndaşın səkisində satırsansa, sənin deyil" - Sumqayıtdakı qalmaqal necə nəticələndi? - Baku TV
- Sumqayıtda 48 yaşlı kişinin faciəvi sonu | “Gecə saat 11-də...” - Baku TV
- "Optima" ilə toqquşan "Prius" alışaraq yanıb
