Tərlədir, elə bilirlər ki, xeyirlidir | Arıqlamaq üçün edilən ağlasığmaz üsulların zərərləri

Son zamanlar sosial platformalar və idman dünyasında “sürətli arıqlama” metodları geniş müzakirə mövzusuna çevrilib.

Bu üsullardan bəziləri – xüsusi istehsal olunan, hava keçirməyən və bədənə kip yapışan xüsusi geyimlər, hətta streç-plyonka vasitəsilə qaçış məşqləri arıqlamaq arzusunda olanların gündəlik məşğuliyyətinə çevrilib.

“Bədənimi sellofanla bağlayıb arıqlayırdım. Ziyan versə də, köməyi olur”, – deyə Baku TV-nin mövzu ilə bağlı keçirdiyi sorğu zamanı sakin deyib.

Bu metodların əsas məqsədi bədənin temperaturunu yüksəltmək və tərləməni sürətləndirərək artıq çəkilərdən tez bir zamanda azad olmaqdır.

Mütəxəssislərin sözlərinə görə, bu hal qısamüddətli “su itirmə” yə səbəb olsa da, orqanizmin daxili balansına və xüsusilə ürək-damar sisteminə ciddi zərər verə bilər.