Uşaqlıq travması araşdırıldı | 26 illik təhlilin statistikası

Birmingem Universitetinin alimləri müəyyən ediblər ki, uşaqlıqda məişət zorakılığına məruz qalan insanların yetkinlik dövründə revmatoid artrit və psoriaz xəstəliyinə tutulma riski yüksəkdir.

Tədqiqat 16 milyondan çox elektron tibbi qeyddən ibarət məlumat bazasının təhlilinə əsaslanıb. Uşaqlıqda zorakılığa məruz qalmış insanlar və belə hallarla qarşılaşmayanlar araşdırılıb. Bu qruplarda immun-iltihabi xəstəliklərlə bağlı proseslər 26 il ərzində təhlil edilib.

Nəticələr göstərib ki, uşaqlıq travması olan insanlarda revmatoid artrit və psoriaz kimi xəstəliklərə daha çox rast gəlinir. Bu, özünü daha çox qadınlarda göstərib.

Tədqiqatın unikallığı həm də dəqiq təhlilə imkan verən Dexter proqramının istifadəsindədir. Bu yanaşma erkən həyat stresini immun xəstəliklərlə əlaqələndirən bioloji mexanizmləri öyrənmək üçün yeni imkanlar açır.