Utilizasiyaya verilən maşınlar üçün güzəşt məbləği artırılır? | Köhnə avtomobili olanlar danışdı

Heç kimə sirr deyil ki, hazırda respublikanın avtomobil yollarında, əsasən də rayonlarda kifayət qədər istismara yararsız nəqliyyat vasitələri hərəkətdədir. Xarici ölkələrdə bu cür avtomobillər birmənalı olaraq utilizasiyaya cəlb edilir.

Bəs Azərbaycanda vəziyyət necədir? Sürücülər avtomobillərini utilizasiyaya vermək istəyirlərmi?

Sürücülər “Nə qədər sürəcəyəm, 30 ildir ki, sürürəm”, “2000 manat versinlər, aparaq verək. Hər yeri sağlamdır, xarab yeri yoxdur” kimi fikirlər səsləndiriblər.

2024-cü il oktyabrın 15-dən etibarən ölkəmizdə avtomobillərin utilizasiyasına başlanılıb. Prosesin 6 ayının statistikası göstərir ki, bu sahəyə diqqət bir az da artırılmalıdır.

Qeyd edək ki, nəqliyyat vasitələrinin utilizasiyaya verilməsi könüllülük prinsipi əsasında həyata keçirilir və məcburi xarakter daşımır. Sürücülərin nəqliyyat vasitələrinin utilizasiyaya təqdim olunmasını asanlaşdırmaq məqsədilə elektron portal da hazırlanıb.