Pleyeri seçin:
Vətəndaşların işlərini asanlaşdıran yeni xidmət | "Mygov"da yeni funksiya
“Mygov” platformasında vətəndaşların işlərini asanlaşdıran yeni xidmət istifadəyə verilib.
Artıq “Əmək müqaviləsinin imzalanması” xidməti vasitəsilə vətəndaşlar işə qəbul zamanı və ya mövcud müqavilələrdə dəyişiklik olduqda sənədləri birbaşa onlayn şəkildə imzalaya biləcəklər.
Bu yenilik İnnovasiya və Rəqəmsal İnkişaf Agentliyi ilə Əmək və Əhalinin Sosial Müdafiəsi Nazirliyinin birgə əməkdaşlığı nəticəsində reallaşdırılıb.
Yeni sistem həm işəgötürən, həm də işçi üçün vaxt itkisinin qarşısını alır, şəffaflığı və sənədləşmə prosesinin təhlükəsizliyini təmin edir.
Bu cür rəqəmsal xidmətlər əmək münasibətlərinin rəsmiləşdirilməsini sürətləndirəcək və “kağızsız idarəetmə” modelinə keçidi daha da gücləndirəcək.
Qeyd edək ki, “mygov” platformasının əsas məqsədi bütün zəruri dövlət xidmətlərini vahid məkanda birləşdirərək vətəndaşlara çevik və rahat şəkildə təqdim etməkdir.
Kopyalandı
Seçilmişlər
