Viravul kənd sakinləri ayağa qalxdı | Poçt niyə bağlandı?

Lənkəranın Viravul kəndində 4 500-dən çox əhaliyə xidmət göstərən poçt şöbəsi fəaliyyətini dayandırıb.

Sakinlər ya şəhər mərkəzinə, ya da 10 kilometr məsafədə yerləşən Vilvan kəndinə getmək məcburiyyətində qalırlar.

“Poçt 10-15 gündür bağlanıb. İnsanlar çətin vəziyyətdədir. Vilvan kəndindəki poçta getmək üçün iki dəfə avtobus dəyişməliyik. Lənkəranın mərkəzinə getmək üçün isə 1 gün vaxt lazımdır. Bu isə kənd adamı üçün isə bir günlük işinin batması deməkdir. Həm vaxtımız itir, həm də maddi cəhətdən ziyana düşürük”, – kənd sakini narazılığını bildirib.