Xaçmazda camaat məktəbə qorxa-qorxa gedib-gəlir | Sakinlər təhlükə altında

Son günlər yağan intensiv yağışlar nəticəsində Qudyalçaya gələn sel Köhnə Xaçmaz kəndində bir sıra fəsadlar törədib.

Kənd yolunun bir hissəsi dağılıb, körpü qəzalı vəziyyətə düşüb, evlərə və təsərrüfatlara ziyan dəyib.

“Qaya uçub, bəlkə də, 5 metr uçub, evlərə yaxınlaşır. Buradan uşaqlar dərsə gedirlər, güclü sel gəlsə, hamımızı aparacaq”, – deyə kənd sakini söyləyib.

Xaçmaz Suvarma Sistemləri İdarəsinin baş mühəndisi Xaləddin Məlikov bildirib ki, fəsadların qarşısını müvəqqəti almaq üçün mütləq çayların ən təhlükəli ərazilərində, əsasən, yaşayış məntəqələri ərazilərində beton bəndlərin quraşdırılması vacibdir:

“Bu barədə biz lazımi yerlərdə, lazımi koordinatlar ilə məlumatları götürərək aidiyyəti qurumlara məlumat vermişik. Yəqin ki, yaxın vaxtlarda layihə hazırlanaraq bu işlərin həyata keçirilməsi işlərinə başlanılacaq”.