Xaçmazda ”Sehrli rənglər” adlı festival | 200-ə yaxın şagirdin rəsm əsəri nümayiş etdirilib

Xaçmaz Rayon İcra Hakimiyyəti və Quba-Xaçmaz Regional Təhsil İdarəsinin birgə təşkilatçılığı ilə “Konstitusiya və Suverenlik İli” çərçivəsində Ulu Öndər Heydər Əliyevin 102 illiyinə həsr olunmuş “Sehrli rənglər”adlı festival keçirilib.

Festival çərçivəsində müxtəlif məktəbləri təmsil edən 200-ə yaxın şagird canlı olaraq rəsm bacarığını nümayiş etdirib. Məktəblilər Ümummilli Lider Heydər Əliyevin həyat və fəaliyyətinə dair, “Konstitusiya və Suverenlik İli”, eləcə də digər mövzularda rəsmlər çəkiblər.

Bundan əlavə, şagirdlər aplikasiyalarla öz əl işlərini hazırlayıblar. Ümumilikdə çəkilən rəsmlər, qədimi əşyalardan ibarət guşə və stendlər maraqla izlənib. Xaçmaz Rayon İcra Hakimiyyətinin başçısı Elnur Rzayev festivalın təşkilini yüksək qiymətləndirib və belə tədbirlərin davam etdirilməsinin vacibliyini vurğulayıb.