Yeniyetmələr sosial şəbəkələrdə nələrlə qarşılaşa bilər? | Münaqişələrin artma səbəbi
Sosial şəbəkələr yeniyetmələr üçün təhlükə mənbəyidir.
Onlar stresə düşür, mübahisələr yaranır. Əsas səbəblərdən biri isə xəyanətdir.
İtalyan tədqiqatçılarının yeni araşdırması sosial şəbəkə normaları və rəqəmsal stresin yeniyetmə münasibətlərinə necə təsir etdiyini göstərib.
Tədqiqatda 13-18 yaş arası 1100-dən çox yeniyetmə iştirak edib. Onlar 6 ay fasilə ilə iki dəfə dostluqları və sosial mediadan istifadələri ilə bağlı anketləri doldurublar.
Elm adamları sosial şəbəkələrdə dostların reaksiya verməməsi səbəbindən daim mövcud olmaq ehtiyacının qavranılması və məyusluq hisslərinin dostluqlarda rəqəmsal stresə və münaqişələrə səbəb ola biləcəyini araşdırıblar.
Padua Universitetinin tədqiqatçısı və araşdırmanın ilk müəllifi Federika Anjelini bildirib ki, yeniyetmələrin sosial normalar haqqında təsəvvürləri və bu platformaların unikal xüsusiyyətləri rəqəmsal stres yaradır, bu da öz növbəsində münaqişələrin sayını artırır:
“Dostları onlara cavab vermədikdə və ya sosial şəbəkələrdə gözlədikləri diqqəti göstərmədikdə yeniyetmələr xəyanət hiss edirlər. Bu, konfliktlərə çevrilə biləcək mənfi emosiyaların yaranmasına səbəb olur”.
Tədqiqatçılar həmçinin sosial şəbəkədəki şəkillərin və videoların münaqişələrin yaranmasında böyük rol oynadığını müəyyən ediblər.
#Sosial şəbəkələr teqi istifadə olunub
- “Sosial şəbəkələr heç olmamalıdır” | Hansı profillərə qadağa qoyula bilər? - Baku TV
- Sosial şəbəkələrlə bağlı qadağalar niyə işə yaramır?
- "TikTok" azyaşlıların önünə görün hansı videoları çıxarır | Sosial şəbəkədə gizli təhlükə - XÜLASƏ
- Məsuliyyətsiz davrandığı halda silah sahiblərinə verilən cəzalar artırılacaq
- "Link gəlir ki..." | "iPhone" sevdasından istifadə edib insanların başına oyun açırlar? - Baku TV
