Yolu bu üsulla niyə bağlayıblar? | Sürücüləri çıxılmaz vəziyyətdə qoyan problem

Paytaxtın Mirzəağa Əliyev küçəsində köməkçi yolla hərəkət edən sürücülər əsas yola keçmək istəyərkən qəribə mənzərə ilə rastlaşırlar.

Belə ki, yolun ortasına bir neçə yük maşını ilə qum tökülüb.

Nəticədə sürücülər yollarına həmin istiqamətdə davam edə bilmirlər. Bu isə küçədə sıxlığa səbəb olur.

Qumun kim tərəfindən və hansı məqsədlə töküldüyü isə məlum deyil.

Qeyd edək ki, yolun sözügedən hissəsində heç bir təmir-bərpa işləri aparılmır.

Məsələ ilə bağlı Avtomobil Yolları Dövlət Agentliyindən bildirilib ki, əraziyə əməkdaşlar göndəriləcək. Əgər sözügedən çıxışın açılması hazırda həmin ərazidə hərəkətdə edilən müvəqqəti dəyişikliyə maneə yaratmırsa, qum kütləsi qısa müddət ərzində yığışdırılacaq.