ABŞ-nin “Azadlıq layihəsi” əməliyyatı Hörmüz boğazını açmaya bilər
ABŞ-nin Hörmüz boğazında həyata keçirdiyi “Project Freedom” ("Azadlıq layihəsi") əməliyyatı regionda gəmiçiliyin bərpasına imkan verməyə bilər.
Bu barədə "Sky News" telekanalı "Verisk Maplecroft" şirkətinin ekspertinə istinadla məlumat yayıb.
Məlumata görə, şirkətin Yaxın Şərq üzrə baş analitiki Torbyörn Soltvedt gəmiçilik və sığorta şirkətlərinə vəziyyəti izləməyi və tələsməməyi tövsiyə edib.
Onun sözlərinə görə, bu təşəbbüs təkbaşına Hörmüz boğazında gəmiçiliyi bərpa etmək üçün kifayət deyil.
Bildirilib ki, Almaniyanın Hapag-Lloyd konteyner operatoru da hazırda boğazdan keçidin mümkün olmadığını etiraf edib.
Qeyd edək ki, daha əvvəl ABŞ Prezidenti Donald Tramp əməliyyatın əsas məqsədinin təhlükəsiz şəkildə gəmilərin Hörmüz boğazından çıxarılması olduğunu açıqlamışdı. Eyni zamanda, Beynəlxalq Dəniz Təşkilatı nümayəndələri hərbi müşayiətin uzunmüddətli həll yolu olmadığını vurğulayıblar.
#Hörmüz boğazı teqi istifadə olunub
- “Heç kəsin bunu etmək hüququ yoxdur” | Rubio Hörmüzə görə kimləri hədələdi? - Baku TV
- SEPAH-dan Hörmüzlə bağlı kritik çağırış | Tramp İrandan nə istəyir? - YENİ BİR SƏHƏR
- “İraq İranla ABŞ arasında vasitəçi kimi çıxış edə bilər” | Əli Əl-Zaidi
- Tehrandan xəbərdarlıq | Yeni əməliyyatlara start veriləcək?
- ABŞ yüzlərlə təyyarəni havaya qaldırdı: Hörmüz üçün “Azadlıq Missiyası” başlayır? - AKTUAL GÜNDƏM
