Alzheirmer xəstəliyi üçün yeni çarə

07 yanvar 2023 1 baxış

ABŞ Qida və Dərman İdarəsi biotexnoloji şirkətlər olan “Eisai” və “Biogen” tərəfindən istehsal edilən yeni Alzheimer dərmanını təsdiqləyib. İki şirkət "lekanemab" adlı dərmanın ilk nəticələrinin beyindəki enişi yavaşlatdığını ortaya çıxarıb.

Sınaq nəticələrinə görə, plasebo alan xəstələrlə müqayisədə “lekanemab” ilə müalicə olunan şəxslərdə Alzheimerin inkişafı 27 faiz azalıb. Hazırlanmış dərmanın sınaqları dünya miqyasında Alzheimer xəstəliyinin birinci mərhələsində olan təxminən 1800 xəstə üzərində aparılıb. “Eisai” şirkəti dərmanın illik qiymətinin 26 500 dollar olacağını açıqlayıb. “Biogen” şirkətinin səhmləri isə elandan sonra 3 faiz artaraq 279,4 dollara çatıb.

Müalicəyə görə təsdiq almaq üçün ABŞ, Avropa və Yaponiyadakı səlahiyyətli qurumlara müraciət edilib. Amerika Qida və Dərman Administrasiyasının (FDA) təsdiqindən sonra Avropa və Yaponiyadakı qurumların da dərmanı təsdiqləyəcəyi gözlənilir.

#Alzheimer xəstəliyi