BMT bunu gec olmadan etsin | Əsədçilərə qarşı "təmizləmə" əməliyyatı aranı qarışdırdı

10 mart 2025 233 baxış

Rusiya və ABŞ Suriyanın qərbində dinc əhaliyə qarşı zorakılıq halları ilə bağlı BMT Təhlükəsizlik Şurasından təcili qapalı məsləhətləşmələr tələb edib.

Bu barədə Rusiyanın BMT-dəki daimi nümayəndəsinin birinci müavini Dmitri Polyanski “Telegram” kanalında məlumat yayıb.

“Biz gözləyirik ki, Danimarkanın sədrlik etdiyi Şuranın iclası martın 10-da Nyu York vaxtı ilə saat 10:00-a təyin ediləcək”, – D.Polyanski bildirib.

Qeyd edək ki, martın 6-da devrilmiş prezident Bəşər Əsədin tərəfdarları olduğu bildirilən silahlı qrup Suriya təhlükəsizlik qüvvələrinə Latakiyada hücum edib. Bundan sonra əraziyə Suriya Ordusu yeridilib və sahilyanı bölgədə komendant saatı tətbiq olunub. Suriya ordu qüvvələrinin üsyançılara qarşı ağır silahlardan istifadə etdiyi, yerli əhaliyə də acımadığı iddia edilir. Suriyanın yeni hakimiyyətinə qarşı olan bəzi ölkələr isə bunu ələvi, xristian və etnik azlıqlara qarşı “soyqırım” kimi qiymətləndirməyə çalışır.

#BMT Təhlükəsizlik Şurası