Bu ərazi ilə bağlı 2000 illik sirrin üstü açıldı | Ortaya çıxdı ki...

13 fevral 2025 188 baxış

Uelsdə Kral Hərbi Hava Qüvvələrinə məxsus anbarda Keltlərə aid 2 min illik nadir artefaktlar tapılıb.

Hava limanında təsadüf nəticəsində aşkarlanan arxeoloji tapıntılar tədqiqatçıları təəccübləndirib.

Tapıntılar arasında e.ə. 60-cı ilə aid at ağızlığı və Uels ərazisində yalnız üç ədəd olduğu bilinən, atlı Kelt arabasının cilovlarını idarə etmək üçün istifadə edilən qırmızı naxışlı terret halqası da var.

Arxeoloqlar hesab edirlər ki, at ağızlığı və terret halqası 1943-cü ildə hava limanının inşası zamanı aşkarlanan Llin Keriyq Bax xəzinəsinin bir hissəsi ola bilər.

Alimləri ən çox təəccübləndirən məqam isə hərbi baxımdan strateji əhəmiyyətə malik bir hava limanının altında 2 min illik hərbi ləvazimatların aşkar olunmasıdır. Bu fakt bölgədə hərbi fəaliyyətin minilliklərdir davam etdiyini və həmin ərazinin ən azı 2 min ildir hərbi baza kimi istifadə olunduğunu göstərir.

#Arxeoloji tapıntı