Pleyeri seçin:
Bulanıq sularda yaşayan qırmızı gözlü köçəri balıqların sirri nədir?
Göllərlə çaylar arasında miqrasiya edən balıqlar daha yaxşı görmə qabiliyyətinə malikdirlər. Buna görə də qırmızı gözlü şirin su balıqları bulanıq suda daha asan yem tapa bilirlər. İsveçin Lund Universitetinin alimləri araşdırma üçün karp növlərindən birini seçiblər.
"Biz balıqların gözlərinin şəklini çəkdik. Məlum oldu ki, köç edən fərdlərin göllərdə qalanlardan daha böyük göz bəbəkləri var".
Bu sözləri deyən bioloq Kayi Halten əlavə edib ki, böyük göz bəbəkləri miqrasiya edən fərdlərə zəif işıqlı şəraitdə kiçik obyektləri daha yaxşı ayırd etməyə kömək edir.
Əldə edilən məlumatlar köçəri növlərin davranışının ətraf mühit və fizioloji amillərlə necə formalaşdığını anlamağa kömək edir.
Bu bilik xüsusilə su ekosistemlərində işıq və qida mövcudluğuna təsir edən ətraf mühit dəyişikliklərini nəzərə alaraq balıq populyasiyalarının idarə edilməsində faydalı ola bilər.
Kopyalandı
#Çay balıqları teqi istifadə olunub
Seçilmişlər
