Fransa ilə Ukrayna arasında imzalanan sazişdə nələr yer alıb?

Fransa ilə Ukrayna arasında hərbi saziş imzalanıb.

Ukrayna Prezidenti Volodimir Zelenski bildirib ki, Fransanın 100 “Rafale” təyyarəsinin Kiyevə çatdırılması razılaşdırılıb. Paris bununla Rusiyanın hücumları fonunda Ukraynanın müdafiə qabiliyyətini gücləndirmək istəyir. Fransanın Yelisey sarayı 100 qırıcı təyyarənin Ukraynaya veriləcəyi xəbərini təsdiqləyib. Saziş təxminən 10 illik perspektiv üçün nəzərdə tutulub. Gələcəkdə Ukraynaya əlavə müdafiə avadanlıqları, silah sistemlərinin də göndərilməsi gözlənilir.

Zelenskinin Paris səfəri eyni zamanda Ukraynanın Hava Hücumundan Müdafiə sistemlərini modernləşdirmək məqsədi daşıyır. “Rafale” təyyarələri ilə yanaşı, sənaye nümayəndələri ilə görüşlərdə “GMF 300” radarları və dron texnologiyaları üzrə əməkdaşlıq məsələləri müzakirə olunub.

Qeyd edək ki, Rusiyanın Ukraynaya hava hücumları artıb. Buna görə də Kiyevin avropalı müttəfiqləri hərbi yardımı davam etdirirlər.

Əlavə edək ki, Fransada stabil olmayan siyasi vəziyyət və müxalifətlə büdcə mübahisələri Parisin Kiyevə hərbi yardımında durğunluq yaratmışdı. Həmçinin “İstəklilər Koalisiyası” da Kiyevi uzaqmənzilli silah və hərbi kontingentlə təmin edə biməyib.