Güclü zəlzələnin dəhşətli nəticələri | Yaponiyada yeni təhlükə
Yaponiyanın qərbindəki İşikava prefekturasında baş verən güclü zəlzələdən sonra Hokuriku atom elektrik stansiyasında suyun səviyyəsi normadan yuxarı qalxıb.
Xarici KİV-in yaydığı məlumata görə, stansiyanı xarici enerji ilə təmin edən transformatorun borularının zədələnməsi səbəbindən sızma qeydə alınıb. Hazırda zərərlərin aradan qaldırılması istiqamətində işlər davam etdirilir.
Xatırladaq ki, yanvarın 1-də Yaponiyanın qərbində güclü zəlzələ meydana gəlib. Ümumilikdə iki saat ərzində İşikava və Niiqata prefekturalarında 30-a yaxın yeraltı təkan qeydə alınıb, ən güclü yeraltı təkanların maqnitudası 7,6 bal gücündə olub.
Son məlumatlara görə, zəlzələ nəticəsində azı 82 nəfər ölüb, 339 nəfər xəsarət alıb. Dağıntılar altında qalanların axtarış-xilasetmə işləri davam etdirilir.