İran xarici işlər naziri ABŞ və İsrailə xəbərdarlıq edib - Baku TV
“İran Silahlı Qüvvələri yalnız ABŞ tərəfindən İran ərazisinə qarşı hücumlar üçün istifadə olunan obyektlərə cavab zərbələri endirir”.
Bunu İranın xarici işlər naziri Abbas Əraqçi “X” hesabında yazıb. O, İrana qarşı istənilən zərbənin qətiyyətlə cavablanacağını vurğulayıb.
“Silahlı qüvvələrimiz özünümüdafiə çərçivəsində ABŞ-nin mülki gəmiçiliyə qarşı hücumlar və atəşkəs rejiminin pozulması üçün istifadə etdiyi obyektlərə zərbələr endirir. ABŞ və İsrail yeni müharibə yolu ilə daha əvvəl sanksiyalar və hərbi əməliyyatlarla əldə edə bilmədikləri nəticələrə nail ola bilməyəcəklər”, – deyə Əraqçi vurğulayıb.
Bundan başqa, xarici işlər naziri İranın heç vaxt Livanın daxili siyasətinə müdaxilə etməyə çalışmadığını bildirib. Onun sözlərinə görə, İran Livanı qardaş və dost ölkə hesab edir.
O, Livanda baş verən hadisələrin İranı yaxından maraqlandırdığını və müharibənin başa çatması üçün sülhün bütün cəbhələrində eyni vaxtda əldə edilməli olduğunu qeyd edib.
Nazir həmçinin atəşkəs danışıqları zamanı memorandumun şərtlərinə Livanın da daxil edilməsini Pakistanın Baş naziri Şahbaz Şərifdən xahiş etdiyini xatırladıb.
#Abbas Əraqçi teqi istifadə olunub
- Əraqçi İsrailə görə ABŞ-yə xəbərdarlıq etdi - Baku TV CANLI
- Tehran və Vaşinqton 14 bəndlik memorandum üzərində danışıqlar aparır - Baku TV
- İran nümayəndə heyəti Qətərdə nələri müzakirə edəcək? - Baku TV
- İran xarici işlər naziri Pakistan ordusu rəhbərliyi ilə danışıqlar aparıb - Baku TV
- İsrailin hücumları nəticəsində Livanda ölənlərin sayı 3 mini ötüb
