İranın nüvə istəyinə İsraildən cavab

“İranın nüvə silahına can atması bütün dünyada böyük narahatlığa səbəb olub. Mövcud vəziyyət İsraildən istənilən təhlükəyə hazır olmağı tələb edir”.

Bunu İsrailin müdafiə naziri Yoav Qallant martın 9-da amerikalı həmkarı Lloyd Ostinlə görüşündən sonra mediaya açıqlamasında deyib.

“Bu gün kritik bir mərhələdəyik, yaxın gələcəkdə təxirəsalınmaz və vacib qərarlar qəbul etməli olacağıq. İran nüvə silahı əldə etməyə can atır və bununla təkcə İsraili deyil, bütün dünyanı təhdid etmək niyyətindədir. Bu da bizdən istənilən vəziyyətə hazır olmağı tələb edir”, - deyə o bildirib.

İsrailli nazir qeyd edib ki, ölkəsi İranın yəhudi dövlətini təhdid edəcək kütləvi qırğın silahları əldə etməsinə icazə verməyəcək.