İsrail əməliyyatları dayandırmağı təklif etdi

21 dekabr 2023 147 baxış

İsrail əsirlərin azad edilməsi ilə bağlı yeni saziş çərçivəsində HƏMAS-a hərbi əməliyyatları bir həftəlik dayandırmağı təklif edib.

Bu barədə ABŞ mətbuatı məlumat yayıb. Bildirilib ki, təklifi İsrailin Mossad kəşfiyyat agentliyinin rəhbəri Deyvid Barnea HƏMAS ilə danışıqları bərpa etmək, qadınlar, 60 yaşdan yuxarı şəxslər və təcili tibbi yardıma ehtiyacı olan 40-a yaxın əsirin azad edilməsini təmin etmək məqsədilə irəli sürüb.

İsrail Prezidenti İsaak Hersoq isə dövlətdə təmsil olunan 80 dünya ölkəsinin səfir və diplomatları qarşısında çıxışı zamanı müharibənin hazırkı vəziyyətinə toxunub:

“İsrailin girovların azad edilməsini təmin etmək üçün növbəti humanitar atəşkəsə və əlavə humanitar yardıma hazır olduğunu təsdiq edə bilərəm. Atəşkəsin imzalanması üçün məsuliyyət tamamilə HƏMAS rəhbərliyinin üzərinə düşür”.

Qeyd edək ki, Qəzzada hələ də 130-a yaxın İsrail və xarici vətəndaş girov saxlanılır.

#İsrail-Fələstin münaqişəsi