Pleyeri seçin:
İsrail Ordusu Livanı atəşə tutdu | "Hizbullah"dan təcili cavab zərbəsi
İsrailin Livanın cənubuna endirdiyi aviazərbələr nəticəsində “Hizbullah” hərbi qruplaşmasının raket və bomba bölmələri üzrə səhra komandiri Hüseyn Əli Hüseyni ölüb. Bu barədə xarici media məlumat yayıb.
Bildirilib ki, SAXAL eyni zamanda regionda yerləşən sözügedən hərbi qruplaşmanın Baalbek silah-sursat anbarını da hədəf alıb. Nəticədə bir sıra partlayışlar meydana gəlib. Bu da 8 nəfərin yaralanması ilə nəticələnib.
Xəbərə görə, xəsarət alanlardan 6-sı Livan, 2-si isə Suriya vətəndaşıdır. Hula şəhərinə endirilən zərbələr nəticəsində isə azı 2 nəfər həlak olub.
Bütün bunların fonunda “Hizbullah”dan cavab gecikməyib. Qruplaşma İsrailin hərbi obyektlərinə pilotsuz uçuş aparatları və raketlər vasitəsilə hücumlar həyata keçirib. Hadisənin nəticələri barədə isə heç bir məlumat verilməyib.
Kopyalandı
Seçilmişlər
