İsraildən şiddətli raket hücumu | Hərbi bazalar darmadağın edildi

İsrail Hərbi Hava Qüvvələrinin qırıcıları Colan təpələrinin raket atəşinə tutulmasına cavab olaraq Livanın cənubundakı Əl-Xiyam şəhərində “Hizbullah”ın forpostuna hücum edib.

Məlumata görə, təyyarələr "Hizbullah" döyüşçülərinin hərbi bazalarına və silah anbarlarına hücum ediblər.

Bu barədə İsrail Ordusunun mətbuat xidməti məlumat yayıb.

Bildirilib ki, bu, intiqam zərbəsi idi. SAXAL Hərbi Hava Qüvvələrinin həm Livanın mərkəzi bölgələrinə, həm də ölkənin cənubuna bir neçə raket atəşi açdığı qeyd olunub.

Xatırladaq ki, bir neçə gün öncə Livan Silahlı Qüvvələri İsrail ərazisinə gözlənilmədən raket zərbələri endirərək iki ölkə arasındakı gərgin durumu bir az da çətinləşdirib. Yaranmış mövcud durumdan sonra mətbuata açıqlama verən İsrailin xarici işlər naziri İsrael Kats bunun intiqamının ağır olacağını bildirmişdi.

“Məcdəl-Şəmsin atəşə tutulması, mülki şəxslərə və uşaqlara zərər verilməsi bütün qırmızı xətləri keçir, buna müvafiq reaksiya olacaq. "Hizbullah" və Livanla genişmiqyaslı müharibə anına yaxınlaşırıq", – deyə nazir qeyd edib.