Kral III Çarlz barədə ingilisləri üzəcək xəbər

Xərçəng xəstəliyindən əziyyət çəkən Böyük Britaniya Kralı III Çarlzın səhhəti son aylarda nəzərəçarpacaq dərəcədə pisləşib.

Bu barədə "Radar Online" portalı adının açıqlanmasını istəməyən mənbələrə istinadla məlumat yayıb.

Qeyd olunub ki, Kral son vaxtlar şəxsi malikanəsinin ətrafında hərəkət etməkdə çətinlik çəkir. Mənbələr bildirir ki, səhhətindəki problemlər onun gündəlik fəaliyyətinə ciddi təsir göstərməyə başlayıb.

Bundan əlavə, iddialara əsasən, III Çarlz xəstəliyin yaratdığı ağrıları azaltmaq məqsədilə spirtli içkilərdən istifadə etməyə başlayıb. Həkimlər və yaxın ətrafı vəziyyəti nəzarətdə saxlamağa çalışsalar da, bu hal Kral ailəsində narahatlıq yaradıb.

Qeyd edək ki, 1948-ci ildə anadan olmuş Çarlz Kral taxtını ən uzun müddət gözləmiş varisdir. O, 8 sentyabr 2022-ci ildə anasının ölümündən sonra taxta çıxıb. 6 may 2023-cü ildə tacqoyma mərasimi keçirilib.

Hazırda Britaniya taxt-tacının varisi isə Şahzadə Uilyamdır. Hələ ötən ildən III Çarlzın səhhətinin pisləşməsi ilə bağlı ictimai vəzifələrinin bir hissəsini ona ötürdüyü bildirilir.