Logistika hədəf alındı | Rusiya və Ukrayna arasında son durum
Rusiya Ukraynanın enerji infrastrukturuna zərbələrdən logistika hədəflərinə hücumlara yönəlib.
Bu barədə Ukrayna Prezidenti Volodimir Zelenski videomüraciətində bildirib.
O qeyd edib ki, gün ərzində Rusiya Ukraynanın enerji infrastrukturuna, demək olar ki, zərbə endirməyib.
“Cümə gecəsindən bəri, demək olar ki, heç bir vilayətlərimizdə enerji obyektlərinə zərbələr endirilməyib. Yalnız Donetsk vilayəti istisnadır ki, orada qaz infrastrukturuna aviasiya bombaları ilə bir zərbə endirilib. Lakin logistikaya zərbələr endirilib, xüsusilə də "Ukrzaliznitsi"nin vaqon-elektrik stansiyası vurulub”, – deyə Zelenski bildirib.
Ukrayna lideri həmçinin qeyd edib ki, gün ərzində dronlar və aviabombalarla hücumlar davam edib.
“ABŞ tərəfi bir həftə ərzində enerji infrastrukturuna zərbə endirməkdən çəkinmək barədə danışırdı. Ukrayna qarşılıqlı olaraq zərbə endirməkdən çəkinməyə hazırdır və bu gün biz Rusiya energetika obyektlərinə zərbələr endirməmişik”, – deyə o əlavə edib.
#Volodimir Zelenski teqi istifadə olunub
- Müharibəni uzatmağın ağır bədəli: Ukrayna Prezidentindən Moskvaya ciddi xəbərdarlıq - ANA XƏBƏR
- Müharibənin şiddətinin artdığı məqamda Avropadan Ukraynaya vacib yardım - Baku TV CANLI
- Ukrayna Prezidenti Putinin açıqlamalarını cavabsız qoymadı - Baku TV CANLI
- Polşanın xarici işlər nazirindən açıqlama
- Ukrayna 9500-dən çox vətəndaşını əsirlikdən qaytarıb | Zelenski
