Misirdə magistralda qəza: onlarla insan həlak olub

Misirin paytaxtı Qahirə ilə İsgəndəriyyə şəhərini birləşdirən magistral yolda zəncirvari qəza baş verib.

Hadisə nəticəsində onlarla insan həlak olub. Bu barədə Misirin Buheyra əyalətinin Təhlükəsizlik Xidməti məlumat yayıb.

“Qəza nəticəsində azı 33 nəfər həlak olub, 60 nəfər xəsarət alıb”, – deyə xidmət nümayəndəsi bildirib.

İlkin məlumata görə, magistralın 132-ci kilometrliyində avtomobillərdən birində yağ sızması baş verib. Bu isə zəncirvari qəzalarla və yanğınla nəticələnib.