NATO-dan Rusiyaya cavab | İspaniya qırıcıları Litva səmasında
Rusiya təyyarələri Litvanın hava məkanını pozub. NATO missiyasının Litvadakı qırıcı təyyarələri Rusiya Aerokosmik Qüvvələrinə məxsus təyyarələrin ölkənin hava məkanını pozması səbəbindən səmaya qaldırılıb.
Bu barədə Litvanın Müdafiə Nazirliyinin Mətbuat Xidməti məlumat yayıb.
"Oktyabrın 23-də saat 18:00 radələrində Litva Hərbi Hava Qüvvələri Kibartay yaxınlığında dövlət sərhədinin pozulması faktını aşkarlayıb. Rusiyanın Su-30 təyyarəsi və İl-78 yanacaqdoldurma təyyarəsi ehtimal ki, Kalininqrad vilayətində yanacaqdoldurma təlimləri keçirib, Litvanın hava məkanına təxminən 700 metr daxil olub və hava məkanında təxminən 18 saniyə qaldıqdan sonra onu tərk edib", ‒ məlumatda deyilir.
"Hadisəyə cavab olaraq İspaniyanın Hərbi Hava Qüvvələrinə məxsus iki "Eurofighter Typhoon" qırıcı təyyarəsi səmaya qaldırılıb, NATO-nun hava polisi missiyasını yerinə yetirib", ‒ deyə nazirlik əlavə edib.
Bildirilir ki, NATO qırıcıları hazırda hava patrulları həyata keçirir.
#NATO teqi istifadə olunub
- Avropa ölkələri Rusiyaya qarşı silahlanma yarışına girib
- Putin NATO-ya sərt çağırış etdi | Trampın müharibəni bitirmək istəməsində məqsədi nədir? - Baku TV
- NATO Ukraynaya dəstəyini davam etdirəcək
- Berlinin yeni müdafiə silahı | “Arrow” NATO-nun da təhlükəsizliyi üçün əhəmiyyətlidir - Baku TV
- Hakan Fidan Brüsseldə bir sıra görüşlər keçirib - Baku TV
