Nikola fikir verməyin, o vaxt da dedi ki... | Zatulin niyə özündən çıxdı?

Rusiya Dövlət Dumasının MDB işləri üzrə komitəsinin sədrinin birinci müavini Konstantin Zatulin Paşinyanın KTMT ilə bağlı sözlərinə bu cür reaksiya verib:

“Onun hər asqırışına reaksiya verməyin mənası yoxdur”.

K.Zatulin bu barədə RTVİ kanalına müsahibəsində danışıb.

Deputatın sözlərinə görə, Paşinyan təxminən eyni sözləri illər əvvəllər “heç kimin onu ciddi siyasi fiqur hesab etmədiyi zamanlarda” deyirdi.

“O, marjinal jurnalist idi. Həmin vaxt Ermənistanın Rusiyadan aralanmalı, KTMT-dən çıxmalı, Gümrüdəki bazanı ləğv etməli olduğunu deyirdi. Bunu o, az adamın dinlədiyi bir müxalifətçi kimi bildirirdi. İndi həmin adam özünə qayıdıb”, – deyə K.Zatulin qeyd edib.