Pleyeri seçin:
Pakistanın sabiq baş naziri dövlətə xəyanətdə günahlandırılır
Pakistanın sabiq Baş naziri İmran Xan 10 il müddətinə azadlıqdan məhrum edilib.
Bu barədə xarici kütləvi informasiya vasitələri məlumat yayıb.
Bildirilib ki, sabiq xarici işlər naziri Şah Mahmud Qureşi barəsində də eyni müddətə həbs qərarı verilib. Onlar dövlət sirləri haqqında qanunu pozmaqda ittiham olunurlar.
“Pakistan Təhrik-e-İnsaf” partiyasının sözçüsü Zülfiqar Buxarinin sözlərinə görə, məhkəmə hökmü qarnizon şəhəri Ravalpindidəki həbsxanada elan edib.
Xatırladaq ki, İmran Xan 2022-ci ilin aprelində parlamentin aşağı palatasının etimadsızlıq səsverməsi nəticəsində Baş nazir postundan kənarlaşdırılıb. O, hazırda rüşvətxorluq ittihamı ilə üç il həbs cəzası çəkir.
Məlumat üçün onu da bildirək ki, İmran Xan 2018-2022-ci illərdə Pakistanın Baş naziri olub.
Kopyalandı
