Pleyeri seçin:
Polşa NATO-nun 4-cü maddəsini aktivləşdirmək üçün müraciət edib
“Gecə ərzində Rusiyanın 19 pilotsuz uçuş aparatının Polşa hava məkanını pozduğu qeydə alınıb. Dronların çoxu Polşaya Belarusdan daxil olub”.
Bunu Polşanın Baş naziri Donald Tusk bəyan edib.
Onun sözlərinə görə, PUA-lardan üçünün məhv edildiyi təsdiqlənib, dördüncü dronun da vurulduğu ehtimal olunur.
D.Tusk bildirib ki, hava məkanının pozulması təsadüfi deyildi və naviqasiya problemlərinə görə olmayıb:
“Dronlar qəsdən Belarusdan daxil edilib. Rusiyanın bu addımından sonra ölən və xəsarətalanlar barədə məlumat yoxdur”.
Polşa mediasının məlumatına görə, hava məkanını 19 yox, azı 23 Rusiya dronu pozub.
Qeyd edək ki, Varşava NATO-nun 4-cü maddəsinin aktivləşdirilməsi üçün artıq müraciət edib. NATO-nun Şimali Atlantika Müqaviləsinin 4-cü maddəsinə əsasən, üzv ölkə ərazi bütövlüyü, siyasi müstəqilliyi və ya təhlükəsizliyinin təhdid altında olduğunu hesab etdikdə bütün müttəfiqləri ilə məsləhətləşmələr tələb edə bilər.
Kopyalandı
Seçilmişlər
