Putinin köməkçisindən açıqlama

“Rusiya Ukrayna nizamlanması məsələsində yalnız ABŞ ilə əməkdaşlıq edir”.

Bunu Rusiya Prezidentinin beynəlxalq məsələlər üzrə köməkçisi Yuri Uşakov bildirib.

Onun sözlərinə görə, Qərb ölkələri bütün təmaslardan imtina edir.

“Bilirsiniz ki, ukraynalılar indi İstanbul danışıqlarının raundlarını davam etdirmək istəmirlər, təmaslar isə yalnız Vaşinqton və Moskva arasındadır. Onu da deyim ki, Rusiya Avropa ölkələri ilə danışıqlar aparmır, lakin buna hazırdır”, – deyə Uşakov əlavə edib.

O həmçinin vurğulayıb ki, Rusiya Prezidenti Vladimir Putinin dekabrın 2-də ABŞ lideri Donald Trampın xüsusi nümayəndəsi Stiv Uitkoff və Ağ Evin rəhbərinin kürəkəni Cared Kuşnerlə görüşü zamanı Ukraynanın NATO-ya üzvlüyü məsələsi qaldırılıb.

“Bu, əsas suallardan biridir və müzakirə olunub”, – deyən Rusiya Prezidentinin köməkçisi sonda qeyd edib ki, Ukrayna ilə bağlı mümkün razılaşmaların beynəlxalq səviyyədə tanınması məsələsi Rusiya və ABŞ arasında danışıqların predmeti olub.