"Rusiyanın çəkmələrini yalayanlar..." | Ermənistan parlamentində yenə qalmaqal yarandı

Ermənistan parlamenti müxalif deputat Artur Sarkisyan barədə Baş Prokurorluğun cinayət işinin açılması haqqında vəsatətinin lehinə səs verib.

Müxalifət səsvermədə iştirak etməyib və 62 deputat onun toxunulmazlıq hüququndan məhrum edilməsini dəstəkləyib.

Bununla yanaşı, onun həbsinə razılıq verilməsi də müzakirə olunub. Artur Sarkisyan isə bu müzakirələrdə iştirak etməyib.

Qeyd edək ki, parlament onun həbsinə qarşı çıxmayıb.

Artur Sarkisyan bildirib ki, Nikol Paşinyan yaxın günlərdə Eçmiədzindəki kilsəyə də soxulacaq.

“Rusiyanın çəkmələrini yalayanlar hökuməti üçüncü ölkələrin maraqlarına xidmət etməkdə günahlandırır”.

Bunu isə “Vətəndaş müqaviləsi” partiyasının deputatı Rüstəm Bakoyan bildirib.

O, müxalifətin mövqeyini dəvəquşunun hərəkəti ilə müqayisə edib: “Onlar başlarını torpağa soxurlar. Hərçənd ki, bunların durumunda söhbət torpaqdan yox, başqa yerdən gedir”.