Rəsmi Tehran satqınların axtarışına başladı | İsrailin hücumu barədə yeni iddia

İran İsrailin hücumlarında Suriyada yerləşən qruplaşmalarının əlinin olduğunu düşünür. Bu barədə yerli kütləvi informasiya vasitləri məlumat yayıb.

İddiaya görə, İrana qarşı həyata keçirilən son əməliyyatların fonunda İsrail tərəfi İranyönümlü qruplaşmalardan pul mükafatı qarşılığında gizli məlumatların ötürülməsini təklif edib.

Məlumata görə, rəsmi Tehran artıq Suriyadakı satqınların axtarışına çıxıb.

Xəbərdə qeyd olunub ki, SEPAH zabitləri Suriyanın şərqindəki Deyr əz-Zor əyalətində onlara sadiq olan silahlı qruplaşmaların nümayəndələri ilə gizli görüş keçirib. İranyönümlü əfqan zabitlərinin və “Həşd əş-Şaabi” təşkilatının yüksək rütbəli üzvlərinin iştirakı ilə keçirilən görüşdə onlardan niyə məxfiliyi pozduqları soruşulub.