Rusiya Gürcüstanla viza rejimini ləğv edib

Rusiya Gürcüstanla viza rejimini ləğv edib.

Bu barədə Rusiya Prezidenti Vladimir Putin fərman imzalayıb. Fərmana əsasən, mayın 15-dən Gürcüstan vətəndaşları üçün viza rejimi ləğv olunur.

Eyni zamanda Rusiya aviaşirkətlərinə Gürcüstana uçuş qadağası da aradan qaldırılıb. Həmçinin Rusiya Xarici İşlər Nazirliyi rusiyalılara Gürcüstana səfərdən çəkinmək tövsiyəsini ləğv edib.

XİN-in yaydığı məlumatda qeyd edilib ki, Rusiya ilə Gürcüstan arasında birbaşa hava əlaqəsi bərpa olunur və bu məsələ ilə bağlı yaxın vaxtlarda Rusiya Federasiyasının Nəqliyyat Nazirliyi vasitəsilə əlavə məlumat veriləcək.