Rusiya, İran və Türkiyənin ölkə ilə bağlı planı nədir? | Suriyada toqquşan maraqlar

Suriyada üsyankar qüvvələrin hücuma keçməsi son illərdə bu ölkə hökumətinə qarşı edilən ən genişmiqyaslı əməliyyat sayılır. Bu, 2011-ci ildə vətəndaş müharibəsi başlayandan bəri Prezident Bəşər Əsədin Suriya lideri olduğu müddətdə üzləşdiyi ən böyük çətinlikdir.

B.Əsəd qüvvələrinə qarşı döyüşən üsyançılar 2016-cı ildə ordu tərəfindən zorla çıxarıldıqdan sonra ilk dəfə Hələbə daxil olub. O vaxtdan bəri üsyançılar Hələbin yaxınlığında yerləşən İdlibdə, Türkiyə ilə sərhədə yaxın ərazilərdə idi.

Suriya Ordusunun yaydığı bəyanatda bildirilib ki, üsyançılarla toqquşmalarda ağır itkilər verilib. Müxtəlif mənbələrin məlumatına görə, müxalifət qüvvələrinin hücumu o qədər böyük olub ki, bəzi yerlərdə hökumət Ordusu müqavimət göstərmədən geri çəkilməli olub.

Hökumət Ordusuna isə Rusiya və İran dəstək verirdi. Üsyançıların hücumundan sonra Rusiya 2016-cı ildən bəri ilk dəfə Hələbin bəzi hissələrinə hava zərbələri endirib.

Maraqlıdır, bütün bunlar niyə indi başlayıb? Bir çox maraqların toqquşduğu Suriya ilə bağlı Rusiya, İran və Türkiyənin planları nədir?