Rusiyada güclü zəlzələ şəhəri işıqsız qoydu

Aprelin 3-ü səhər saatlarında Rusiyanın Petropavlovsk-Kamçatski şəhərindən 44 kilometr aralıda 6,9 bal gücündə zəlzələ baş verib.

Bu barədə Kamçatka diyarının Fövqəladə Hallar Nazirliyinin ərazi idarəsinin mətbuat xidmətindən məlumat verilib. Qeyd olunub ki, zəlzələnin ocağı Avaçi körfəzində, 100 kilometr dərinlikdə olub. Təbii fəlakət nəticəsində Petropavlovsk-Kamçatski şəhərinin bəzi əraziləri işıqsız qalıb.

Məlumata görə, yeraltı təkanlar Petropavlovsk-Kamçatski sakinləri arasında təşvişə səbəb olub, insanlar küçələrə axışıblar. Zəlzələ nəticəsində bəzi binalara ciddi ziyan dəyib.