Pleyeri seçin:
Rusiyada raket bazasında partlayış olub
Rusiyanın Orenburq vilayətinin Yasnı şəhərində Strateji Raket Qoşunlarının bazası yaxınlığında partlayış baş verib.
Bu barədə yerli Kütləvi İnformasiya Vasitələri məlumat yayıb.
İxtisaslaşmış resursların məlumatına görə, bir neçə saat əvvəl Strateji Raket Qoşunlarının poliqonundan raket buraxılışı həyata keçirilib, lakin uğursuz olub.
Regional "Ural56" nəşri yerli sakinlərə istinadən bildirib ki, partlayışdan sonra göyə bənövşəyi tüstü qalxıb.
Medianın yazdığına görə, hadisənin səbəbi raketin buraxılışı zamanı baş verən qəza olub. Ehtimala görə, raket havada dağılıb.
"Ural56"nın xəbərinə görə, rəsmi qurumlar hadisə ilə bağlı şərh verməyib. Region hökuməti isə əhaliyə heç bir təhlükə olmadığını və evakuasiya planlaşdırılmadığını açıqlayıb.
Kopyalandı
#Rusiya teqi istifadə olunub
Seçilmişlər
