Rusiyadan Ukraynaya genişmiqyaslı hücum | Avropa ölkələri Ağ Evdən nə istədi?

Rusiya ordusu Ukraynaya geniş hücum həyata keçirib. Dron hücumuna görə, Ukraynanın əksər bölgələrində hava hücumu barədə xəbərdarlıq edilib.

Bu barədə Ukraynanın Hərbi Hava Qüvvələri məlumat yayıb. Kiyevin meri Vitali Kliçko bildirib ki, Ukraynanın paytaxtında hava hücumundan müdafiə sistemləri işə düşüb. PUA ilə hücumlar Dnepropetrovsk, Odessa, Krivoqrad, Vinnitsa, Sumı, Poltava və Çerniqovda qeydə alınıb. Sumının Axtırka şəhərinə zərbələr endirilib.

“Unian”da yayılan məlumata görə, “Shahed” dronları ilə hücumdan sonra Odessanın mülki obyektləri zədələnib, bir kişi yaralanıb. Ölənlər barədə məlumat verilmir.

“Almaniya hərbçilərinin Ukraynaya göndərilməsinin vaxtı çatmayıb”. Bunu isə Almaniyanın maliyyə naziri deyib.

TASS-da yayılan məlumata görə, Lars Klinqbeyl bunun üçün Ukrayna ordusunun güclü olmasının əhəmiyyətli olduğunu bildirib.

Bundan başqa, “The Times” xəbər verir ki, ABŞ Rumıniyada F-35 qırıcı təyyarələrini yerləşdirə bilər, hər halda bəzi Avropa ölkələri Ağ Evdən bunu xahiş edib. Məqsəd Rusiyanın Ukraynaya hücumları fonunda qonşu ölkələrin, Avropanın təhlükəsizliyinin təminatıdır.