Səfirlik ərazisində qumbaralar tapılıb

İsveçrənin Rusiyadakı səfirliyinin ərazisində içində iki ədəd əl qumbarası olan bağlama tapılıb.

Bildirilib ki, hazırda hadisə yerində polis əməkdaşları və istehkamçılar işləyir. “Səfirliyin mühafizə xidməti ərazidə şəffaf bağlama tapıb. Bu bağlamada iki əl qumbarası olub”, - deyə İsveçrənin Rusiyadakı səfirliyinin yaydığı məlumatda qeyd edilib.

Ərazidə vəziyyətin sakit olduğu, minaaxtaranların çalışdığı və polis əməkdaşlarının diplomatik nümayəndəliyin ətrafını mühafizə etdiyi bildirilib. İsveçrə səfirliyi isə baş verənlərlə bağlı şərh verməyib.